15 نتيجة بحث عن _أحمد_الشاعر

أسف للإنتظار
اشيآء كثيرة لم يعد لها قيمة.. كُنتُ انتظرهآ بشغف
اما الآن برود في المشاعر.. ربمآ تمهيداً لغيآب أنيق
ولانني لآ اُجيد ادب العتاب.. أرحل بصمت
ارحل وكأننا لم نلتقي.. هكذا وجدتُ نفسي
.
.
#_أحمد_الشاعر

بص القمر ليا مره وراح ماشى
قُلت القمر غيا بين البشر ماشى
اه م الليالى عليك حاضنه الكحيلا عنيك
خلتنى ادوب حواليك وانت متدراشى
لا ياقمر حاسب اوعى تضيع مني
الليل مهوش حاجب طول منتا ف الننى
ف ناس كتير غايبين جوه القلوب عايشين
وناس معانا سنين حجبو النهار عني
قلبى الحبيب قادر يوهب سنين عُمره
مهو طير وبيهاجر ولا يوم ملك امره
ليه ياقمر بتغيب وانت لقلبى حبيب
د الليل بيبقى غريب لما يغيب قمرهُ
بص القمر ليا مره وراح ماشى
.
.
#_أحمد_الشاعر

إنتى حره إنتى حره
قُلتهالك الف مره
لو ف حُبى لحظه حلو
جنب منها الف مُره
دى الحقيقه وإنتى حُره
مش بشوف الحُب لعبه
أو كلام معسول مابينا
لأ دى سكه بعيد وصعبه
عاوزه صبر وصدق منا
لو هتمشى معايا فيها
للنهايا تكمليها
قولى ايوه قولى لأه
قولى رئيك وإنتى حُره
قُلتى ايه شايفك سكتى
والسكوت معناه رضاكى
فكرى كويس لأنى هبنى مستقبل معاكى
أبتسمتى يلا بينا نبنى أجمل عش لينا
زى طير ومعاه وليفته يمسح دمعتها الحزينه
إنتى حُره
.
.
#_أحمد_الشاعر

إنتى مني
قبل منك لا حُب ناداني ولا صوت صحانى
ولا ضحكه حلوه تمسحلى أحزانى
إنتى مني حته مني إنتى مواويلى ف لليلى
إنتى نورى وقناديلى إنتى إحساسى وفنى
إنتى مني
حُبك قوانى ياحبيبتى حُبك قوانى
رجعلى الضحكه من تانى رجعت من تانى
وبقيتى إنتى نور وبينورلى حياتى
ايوه إنتى ضحكه وبتنسينى أهاتى
ياحياتى يا أيامى الجايه ياشمعه بتنور لعنيه
ياحُب استنيتو ليالى اهو جانى ونور لياليا
ادانى القوه والدفعه أعبر وأعدى أحزانى
وتهون الدنيا فدا اسمك وتعيشى لأحضانى ليالى
إنتى مني
.
.
#_أحمد_الشاعر

ياقلبى ياصغير ع الحب
ياقلبى ياللى رماك الشوق
الحب بحرو غريب وصعب
اذا كنت عاشق أو معشوق
ياقلبى طول عمرك سواح
عصفور طليق وبتغنى
ف الدنيا خالى البال مرتاح
وعايش حياتك متهني
ياقلبى أنا خايف عليك
خايف لايخدك طيارو
رياحو قويه ولا بيديك
تخسر ع طول مشوارو
ياقلبى يا صغير
.
.
#_أحمد_الشاعر

كأننى أدخرت خزائن قلبى وعمرى لها منذ سنوات
وكأننى صرت طفل بين يديها بعد أن ذاب نبضى ومات
وكأنى أحيا من جديد بطهارة الملأكه ببعض الكلمات
لكنى اعلم جيدا انه لن يدوم حلمى ويكون تخيلات
احساسى بها قوى وهى تتلاعب بقلب كان أخضر من زمن فات
ماأسعدنى وأنا احبها وهى يحلو لها عذابى والاهات
مالى اسلم كل اسلحتى بسهوله لطفله كبيره دون تساؤلات
ومع ذالك اعيش وهم كبير اسمه حبى لها وأستمر فيه رغم التناقضات
لو شعر قلبها بحبى لها لتمنت الموت بدونى وعذاب السكرات
سماء عمرى أمطرت لها حنين ودفء وتبخرت فى ظل التغيرات
.
.
#_أحمد_الشاعر

فوضت امرى فيك وروح الله يجازيك
واللى انت عملته فيا هيقعد كله ليك
يديك ع ظُلم قلبك ع غدر نيتك
ويحاسبك ع اللى حبك وجرحته بقسوتك
ويخلص حقى منك تخلصه بئديك
أسأل قلبك وقله انا قلبى عمله ايه
إدالو عمره كله إداله قلبك ايه
خساره فيك أبكى عليك خساره فيك
خساره اعاتبك واللى خلقك هيجازيك
غدار والغدر منك بيشكى للسنين
كداب ولما اقلك بتحلف مين يمين
خساره فيك أبكى عليك خساره فيك
.
#_أحمد_الشاعر



.

ليه الحُب ف يوم ما نداكى
ياللى تعبنى الحُب معاكى
عُمرى ما هبقى ذليل لهواكى
هو انا كُنت ظلمتك مره
لما أجيلك واترجاكى
لا دنا ادوس ع قلبى وافوتو
لو مقدرش ف يوم ينساكى
ياللى تعبنى الحُب معاكى
ليه مغروره وسايقه دلالك
هو مفيش ف الدنيا مثالك
فوقى لروحك والحقى روحك
قبل العُمر مايفنى جمالك
عُمر الحٌب مكان تنهيد
ولا أحباب تخلف مواعيد
ولا عين تبكى ف ليلة العيد
ياللى هواكى خلانى باكى
لا د نا ادوس على قلبى وافوتو
لو مقدرش ف يوم ينساكى
ياللى تعبنى الحٌب معاكى
يلا ياقلبى وسيبك منها
تعداها وابعد عنها
حاول جرب اوعى تقرب
بكره تلاقى أجمل منها
ياللى تعبنى الحُب معاكى
ليه الحُب ف يوم مانداكى
.
.
#_أحمد_الشاعر



.

أخبرنا أستاذى يوماً عن شيئ يدعى الحريه
فسألت أستاذى بلطف أن يتكلم بلعربيه
ماهى الحريه
هل هى مصطلح يونانى عن بعض الحقب الزمنيه
ام أشياء نستوردها أم مصنوعات وطنيه
فاجاب معلمنا حزناً وانساب الدمع بعفويه
قد أنسوكم التاريخ وكل القيم العلويه
أسفى ان تخرج أجيال لاتفهم معنى الحريه
ولاتملك سيفاً او قلماً ولا تحمل فكراً وهويه
وعلمت بموت معلمنا فى الزنزانات الفرديه
فنزرت لئن احيانى الله وكان فى العمر بقيه
لأجوب الأرض بأكملها بحثاً عن معنى الحريه
وقصدت حكام عروبتنا اسألهم أين الحريه
فتوارو عن وجهى هعلعاً وكأنى قنابل زريه
ستفجر فوق رئوسهم وتبيد جميع البشريه
ونظرو الي بعصبيه وقالو بكل سخريه
لاتسأل عن هذا ابداً فأحرف كلماتك شوكيه
فنقول للحاكم أرحل فلدينا أذاناً مخفيه
ويكون المجرم حضرتكم والخائن حامى الشرعيه
سنبؤ بكل مؤامره ويفوز نظام الثوريه
ونصون تراب بلدنا يوم الحرب التحريريه
وتساق إلى سحات الموت عملأ الصهيونيه
لسنا نصباً تذكاريه يغسل فى الذكرى المئويه
الحريه لاتستجدى من سوق النقد الدوليه
الحريه نبت ينمو بدماء فى عروق عربيه
الحريه الحريه .
.
#_أحمد_الشاعر

رسالةٌ للغائبين ؛ تمنينا أن نعيشَ حكايةً طويلةً معكم ،
إفتعلنا الصدفَ مراتٍ عديدة لرؤيتكم ،
ضجت حناجرنا بالنداءِ عليكم ،
وَ رضينا بحبٍ مفقود لَمْ أعْدَ أتَذْگرْ
مَا گانَ ذَنْبَيْ كي أعَشْقَ..
فألعَشْقَ بَحْرَ شَرْطَهُ تَنْجوَ مَنِهْ
بَعْدَ أنْ تَغْرقْ...
.
.
#_أحمد_الشاعر
.

نزيف قلم ..
أمسك بقلمي.. أهمْ بكتابة خواطر مز دحمة في مخيلتي.. 

فإذا به يتوقف عن الكتابة.. ويعلن العصيان..
وكأنه يصعب عليه وصف الحالة والزمان..
وكأنه اكتفى من كتابة حروف العذاب.. حروف الآلام..
وكأنه يرفض الإستمرار.. ويطالب بنوع آخر من الكلمات..
وكأنه نسي كل أبجديات اللوم والعتاب..
وكأنه.. وكأنه..
ولكن ماذا أفعل؟
لا شيء في يدي.. لا شيء عندي سوى كلمات..
كلمات حروفها من أوجاع.. حروفها من الآلام..
كلمات لا تستطيع أن تتأقلم مع الأوضاع..
ولكن؟!
أعدك يا قلمي بأن نمسح غبار الهم والحزن عن مدونتك..
.يانزيف قلمي.. يا نزيف قلمى.
يا من تعهدت بدمكَ حبراً لآهاتي.. أسطر من حبرِك كلماتي
فلا أراها
أكتب وأكتب .. لكن تبقى بيضاء جرداء صفحاتي
فما عاد قلمي ينزف.. وما عاد قلبي ينبض.. 

أشعر بأن ما بداخلي قد مات.. فلا حياة مع الأحزان..
حاولت الهروب.. قاومت الذكريات.. عزمت على التغيير.. 

ولكن لا شيء ينفع..حاولت
التخطي والتجاوز، ومع هذا اعترف أني فشلت..
حتى القلم الذي كان سَلْوتي يُعلن إضرابه..
لذا سألت نفسي ترى هل جف قلمي 

وأصبح بحاجة إلى حبر آخر؟! أم أن نزيفه قد توقف
بعد طوال معاناة.. ولفظ أنفاسه؟!
ربما قد جف.. وربما قد مل فأعلن العصيان وأبى البوح….

 وربما احتاج إلى حبراً من نوع آخر 

بعدما أفضى بالذكريات.. ربما.. وربما..
ولكن لا .. لا أريدك أن تنزف بل أريد النسيان.. 

لا أريد أن أقتلك لتصبح شهيدا على صفحاتي..
قلمي لا أريدك أن تموت.. لا تجف.. أريدك حياًّ..

 حياً بدون نزيف.. فأنت من سيعُبر عن كلماتى
.. لا تحزن.. لن أجعلك تحزن..

 لن تنزف دماً.. بل سترسم بحبرك ذكرياتى
خواطري وأحلامي.. وأفراحي.. 

ستفوح عطرا شذيا

 بعد أن سكبت دمك الثمين على صفحاتي..
 ستفوح عطرا يسعد من حولك بعد ما سطَّرت آهاتي..
.
.
#_أحمد_الشاعر
.

غريب وتاهت خطوتى وسلوتى ضى القمر
والغربه رسمه سكتى وف وحدتى حكم القدر
ليه ياقدر قلبك حجر تحكم عليا بغربتى
غريب وتايه ف سراب وتعبت م اللوم والعتاب
واشمعنى انا من كام سنه مشلاقى لسؤالى جواب
اهين واه ع اللى نقدر انا كنت يوم زينة البشر
جاهل وضليت سكتى معرفتش العب ع الوتر
غريب وراضى بقسمتى لو حته دابت شمعتى
وان يوم وتاه مني الحنان تحرم عليا دنيتى
عينى ع صبار صبر ولا جبل ضهره انكسر
وبأيه تفيد صرخة عنيد لما تتوه وسط البشر
ليه ياقدر قلبك حجر تحكم عليا بغربتى
غريب
.
.
#_أحمد_الشاعر