أحمد الشاعر
المدير العام
المساهمات : 289
تاريخ التسجيل : 09/03/2017
الموقع : http://store6.up-00.com/2017-03/148882586969731.gif
 |  موضوع: حزر فزر  الأربعاء مارس 23, 2022 7:43 pm | |
| عن فقر الشعوب نتحدث ياساده . حزر فزر هما مين يبقو المساكين ومين هما الناس التانين هما مين واحنا مين هما الامراء والسلاطين هما المال والحكم معاهم واحنا الفقرا المحكومين حزر فزر شغل مخك شوف مين فينا بيحكم مين احنا مين وهما مين احنا العمال البنايين احنا السٌنه واحنا الفرض احنا الناس بالطول والعرض من عافيتنا تقوم الارض وعرقنا يخضر بساتين خزر فزر شغل مخك شوف مين فينا بيخدم مين هما مين واحنا مين هما الامرا والسلاطين هما الفيللا والعربيه والحاجات المتنقيه هما كروش استهلاكيه شغلتهم حشو المصارين حزر فزر شغل مخك شوف مين فينا بياكل مين احنا مين وهما مين احنا قرنفل على ياسمين احنا الحرب حطبها ونارها احنا الجيش اللى يحررها واحنا الشهدا ف كل مدارها منتصرين او منكسرين حزر فزر شغل مخك شوف مين فينا بيقتل مين هما مين واحنا مين هما الامرا والسلاطين هما مناظر بالمزيكه والزفه وشغل البولوتيكا ودماغهم طبعا استيكه بس البركه فى النياشين حزر فزر شغل مخك شوف مين فينا بيخدع مين هما مين واحنا مين هما الامرا والسلاطين هما بيلبسوا اخر موضه واحنا بنسكن سبعه ف اوضه هما بياكلو حمام وفراخ واحنا الفول دوخنا وداخ هما بيمشو بطيارات واحنا نموت ف الاتوبيسات هما حياتهم بمبى جميله هما فصيله واحنا فصيله حادى يابادى ياعبدالهادى يالى عليك اصل الغنوادى لما الشعب يقوم ينادى ياحنا ياهما ف الدنيادى حزر فزر شغل مخك شوف مين فينا هيغلب مين هما مين واحنا مين . . | |
|
ريم شموخ الكلمه
نائبة المدير
المساهمات : 161
تاريخ التسجيل : 09/03/2017
| | موضوع: رد: حزر فزر الخميس مارس 24, 2022 6:45 pm | |
| صاحب الحرف المتألق
و ملك القلم الذهبي الرائع.
( احمد الشاعر )
تحية معطرة بالورد أهديها إليكِ
كم يسعدني دوما ان اري هذا النزف الرائع الجميل
فاعجز عن شكر على كل ما تخطه أناملكِ الذهبيه
وما يتدفق من حبركِ العطر
فيض من المشاعر والاحاسيس الجميله .. | |
|
الرئيسية 
