عرفت الحق من صوت الربابه
وخدت الصدق من قول الصحابه
يقول الشاعر المصرى وينزل
بعزم القوس ع راس الديابه
سواسى زى ماقايل نبينا محمد
بلا طبقات ع ظهور الغلابه
عرفت الحق من صوت الربابه
وخدت الصدق من قول الصحابه
ولا بيه يملك الشركات ويتخن
ولا شحات يبيت ف الخرابه
وعالم ع الرغيف تشقى ماتلقى
وناس تنزع من العيش البابه
أساس الدنيا فوضى والشرايع
اتبنت بلإراده والصلابه
لو الإنسان بدون رابط هيجرى
ورا الشيطان وتبقى الدنيا غابه
لو خاين غدر تقيم عليه الحد
وتتمد المهابه
يقول الشاعر المصرى ويعدل
ميزان الحق تنشق السحابه
عرفت الحق من صوت الربابه
وخدت الصدق من قول الصحابه
.
.
الرئيسية 
موضوع: صوت الربابه 
الأربعاء مارس 23, 2022 12:22 pm
