النصيب حدد مصيرك
وحبيبتك خدها غيرك
.
اتفضل قول اللى عندك
.
وحــــــــــشــــــتــــــــيــــــنى
ووحشتى قلبى ودايماً يقولى
نفسى ترجع
الدنيا معاكى جنه
وف بُعدك شيئ بيوجع
أصل انتى مش حبيبه
أو بنت من البنات
انتى عشانك أضحى
ويقولو عشانها مات
انتى اللى بتفهمينى
انتى اللى بتحضنينى
انتى لو كله سابنى
عمرك ماهتسبينى
لو بُعدك كان بكيفك
والله ماكنت هزعل
اخدوكى من حبيبك
والبُعد ليه بيحصل
خبيتى عنى ليه
طب كنتى قولى طيب
انا ابنك مش حبيبك
متعود اكون قريب
انا نفسى بجد اجيلك
ولو مره اشوفك
اعرف ايه حصلك
وأسأل عن ظروفك
بردانه عشان إديكى
سابت ايدى اللى ملكك
محتاج انده عليكى
محتاج أقول بحبك
محتاجك تسمعينى
ونفسى بجد أبكى
انا عارفك بتشوفينى
وأسف إنى بشكى
ويارب تكونى عايشه ف
ى مكان لائق بقلبك
ف الجنه ناس كتير
ياحبيبتى بجد شبهك
وحُبك فى قلبى ساكن
ياحبيبتى متخفيش
فى بُعدك نفسى أموت
أو معاكى أعيش
.