يتيم الأم

موضوع: يتيم الأم الأربعاء مايو 25, 2022 2:02 am

يتيم الام
عايش ف الم
يسويه ع الجنبين
بودعك
يا امى قبل الوداع بسنين
يامليحة القول والافعال
يا طاهرة الشفتيين
بمسك ف ديل عبايتك وابكى
رجليا رجل ف جنتك
ورجل ف شكي
بمسك ف ديل عبايتك وانوح
لاكن لاقلب ولا روح
ولما اليتيم بيعانق المجروح
يقع القمر نصين
يا امى ياطاهرة الشفتيين
قطر الصباح قبل الصباح جانى
ولما جانى الصبح قطر الصباح
كان صوته عدانى
كان صوته ابعد صوره ف ودانى
قعدت أشرب ع الرصيف وأنعى
وتدوس رجول الناس ع دمعى
وطعم شفتينك مرار اليُتم
ومن بعيد كانت بيوت الناس
متكومه تحت النخيل والصبر
وانا ع الرصيف الصخر وحدانى
بدارى بنظرتى حُزنى وأنعى
وتدوس رجول الناس ع دمعى
وملمهوش بأيدى
جوه الطعام طعمين
وجوه الشراب سربين
ودلوقتى بوستك بوسه ولا اتنين
دلوقتى إنتى واحده ولا اتنين
كل الحاجات دلوقت لها طعمين
وف كل شيئ شيئ
وكل شيئ اتنين
بودعك وأنعيكى
ياطاهرة الشفتين
يا أمى يا ننى العين