الأسراء والمعراج

الإسراء والمعراج.

.

سْمِ اللَّهِ الرَّحْمَٰنِ الرَّحِيمِ

سُبْحَانَ الَّذِي أَسْرَىٰ بِعَبْدِهِ لَيْلًا

مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى

الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ

إِنَّهُ هُوَ السَّمِيعُ الْبَصِيرُ (1)﴾

.

يا رب يالي رفعت المصطفى بقدرة...

واتمشى في الجنة بين المية والخضرة...

وصعد سما فوق سما لحد السما السابعة...

وشاف ملايكة. وشاف العرش والسدرة...

وإديته من عندك النور إلي بيقويه...

والنور ما ينفعش يسكن إلا روح طاهرة...

مليت بنورك فؤاده وروحه قبل عنيه...

لحد ما اتحمل إنه يعاين الحضرة...

وإلي يهيم في الجمال لا بيذكر امبارح...

ولا يهمه إنه يعرف حاجة عن بكرة...

يا رب يالي رفعته لأعلى عليين...

ارفع بلدنا بحق الدم والثورة...

وارحم دموع أمهات مش راضية يوم تنشف...

على إلي ماتوا عشان تبقى البلد حرة...

يا رب طلع علينا الشمس في ميعادها...

والحلوة تسكن حياتنا مطرح المرة...

وأشوف سما العرب صافية زي ما كانت...

والأرض تضحك ساعة ما نشوفها مخضرة...

واجعل إدينا تطبطب ع إلي محتاجها...

واجعل عرقنا يكون لبلادنا مش برة...

واجعل بلدنا في أحضاننا ندفيها...

ولا نسيب من ترابها حتى لو ذرة...

ولا تخلي في العرب يا رب حد جعان...

ملامحه من جوعه دبلانة ومصفرة...

واشرح صدورنا لطاعتك لجل نطمن...

واسترها يا رب ع إلي طالب السترة...

.

وكل عام وانتم بخير

.

.

.