منتديات لمسة خيال // أحمد الشاعر
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

منتديات لمسة خيال // أحمد الشاعر

الشعر والأدب / والنقاش الجاد / والمواضيع العامه / والترفيه
 
الرئيسيةالرئيسية  البوابةالبوابة  بحـثبحـث  التسجيلالتسجيل  دخول  

شاطر | 
 

 أحبك ربي ❤

اذهب الى الأسفل 
كاتب الموضوعرسالة
زائر
زائر



مُساهمةموضوع: أحبك ربي ❤   الأربعاء مارس 15, 2017 4:25 pm

-واحد قريبي مبقالوش هو ومراته ٦ شهور متجوزين .. كانوا عندنا من شويه ولسه ماشيين ... طول مهو قاعد عمال يبصلها ويضحك .. يتكلم عنها يقول الله يبارك في عمرها .. الله يصلح حالها .. وطول القعده بيمدح فيها ويدعيلها .. ويشكر في اخلاقها ويرفع مقامها .. خدته علي جنب وقعدت معاه في مكان لوحدنا .. ايه ياعم عمال تشكر في مراتك وتقول عنها غاليه وطيبه .. انت خايف منها ولا ايه ؟! ;D .. ثم انت مش كنت بتحب واحده قبلها وخطبتها ولما فركشتوا الخطوبه قولتلي عمر قلبي ما هيدق تاني ولا هعرف احب غيرها خلاص ! .. قالي كُنت مغفل ! مين قال ان الانسان ميعرفش يحب غير مره ؟! .. تصدق بالله .. لا اله الا الله .. انا ربنا عوضني بواحده تتحط ع الجرح يطيب .. محترماني وصيناني وشيلاني فوق دماغها .. بلسم يا عم بلسم والله .. حسيت انها زي المغناطيس عماله تشد قلبي ناحيتها لحد لما وقعت علي ملا وشي ومحدش سمي عليا .. بتفهمني من نظرة عنيا .. وكانت بتحبني من زمان وانا ولا انا هنا .. الست اللي قاعده بره دي يا احمد .. انا فعلاً ندمان اني معرفتهاش من زمان والحمد لله اني خسرت اللي قبلها كل يوم بحمد ربنا انه جعلني اخسرها علشان يعوضني بست البنات .. ثم مين قال الحُب مره في العُمر بس ؟! مبيعرفش حاجه .. الحُب بيجي بالموده والرحمه والتفاهم .. صدقني انا بموت فيها .. مبحبهاش بس .
-النبي كان متجوز السيده خديجه وبكي يوم موتها وكنا بنقول مش هيحب تاني واتسمي يوم موتها بعام الحُزن .. وبعد كدا ربنا عوضه بعائشه وحبها اكتر من اي حد في الدنيا .. وبقي يقول قدام كل خلق الله احب الناس الي قلبي عائشه .
-شاب أمريكي اسمه " والاس " كان شغال في ورشة تصنيع اخشاب .. وقضي عُمره كُله فيها لحد لما وصل سن الـ 40 .. المُدير اتكلكله .. وقام طرده من الشغل .. بدون تأمين .. بدون مكافئه .. بدون اي شيئ .. قرف من الدُنيا واللي فيها .. حزن حُزن شديد انه فقد شُغله اللي بياكل منه عيش هو ومراته .. فمراته قالتله هنعمل ايه ؟! هنموت من الجوع ؟!! .. قالها ولا يهمك .. هروح ارهن البيت المحندق بتاعنا .. واشتغل في البُنا " مقاول " ياخد اراضي ويبنيها .. وفعلاً رهن البيت .. جاب تحوشية العُمر .. وبدأ يشتغل ف المهنه دي .. بني بيت والتاني والتالت .. كان عنده ذمه وضمير واتشهر بسُرعة البرق .. المشاريع بدأت تكتر .. وبعد 5 سنين او اقل .. بقي مليونير ! .. اسمه " والاس جونسون " هو اللي بني سلسلة فنادق هوليدي اللي حاليًا من اشهر الفنادق في العالم .. اشهر من النار علي العَلم .. والاس عمل عدد ضخم من البيوت والفنادق في العالم ومراكز الاستشفاء لعلاج المرضي .. والاس بيقول في مذكراته .. انا لو عرفت مديري القديم اللي طردني من الشُغل ساكن فين .. هروحله وابوس دماغه واشكره من كُل قلبي .. لأن لولا اللي عمله وحرمني من شغلي المتواضع مكنتش بقيت فـ اللي انا فيه حاليًا ! ..بيقول وقت لما اتطردت كُنت بتألم وموجوع والدُنيا سوده ف وشي .. بس بعدها فهمت " ان شاء أن يُغلق الله في وجهي بابًا .. فذلك لأنه يُريد أن يفتح أمامي طريقًا افضل لي ولاسرتي . !!
-سيدنا الخِضر لما كان بيعلم سيدنا موسي اليقين فـ ربنا .. وهُما ماشيين فـ الطريق .. سيدنا الخِضر شاف طفل صغير .. اول لما شافه جري عليه وقتله .. سيدنا موسي غضب .. وقاله : تقتل نفس بدون اي ذنب ؟!! بس طبعًا ربنا كان معلم سيدنا خضر بعض من علم الغيب .. وان الطفل دا ابوه وامه ناس طيبين وعلي قد حالهم .. والولد دا كان هيبقي فاجر وعاصي لما يكبر ومُش هيرضي يتوب ابدًا وكان هيتعب ابوه وامه معاه .. فربنا خده منهم .. علشان يبدلهم بطفل تاني يكون أفضل منه ويكبر ويبقي صالح وتقي .. وفعلاً ربنا رزقهم بابن غير اللي مات وكان بيخدمهم لآخر عُمرهم .. وبقي الاب والام يحمدوا الله انهم فقدوا الابن الاول ... لأنه ممكن مكانش يبقي افضل من التاني .. وربنا عوضهم بشاب صالح يخاف الله فيهم ويبرهم طول حياتهم ويدعيلهم بعد وفاتهم .
-انا اموت فـ الافلام الوثائقيه .. اللي بتحكي قصص حقيقه حصلت لناس مُعينين .. منهم راجل اسمه " ماركوس " .. كان علي طياره والطياره وقعت في البحر وهو الوحيد اللي نجي منها .. فضل يقدف بدرعاته ف البحر ويقدف لحد لما وصل جزيره مفهاش بني آدم يوحد ربنا .. بدأ ياكل ورق شجر .. وبني كوخ صغير ينام فيه .. وكان بيصطاد ارانب .. ويشرب من مية المطره .. وضرب حجاره ببعض وصنع نار .. وحط السمكه تتشوي .. وفضل يتمشي علي الجزيره شويه .. رجع لقي النار شِبطت فـ العِشه اللي كان بينام فيها .. معرفش يطفيها .. ويُصرخ والنار تعلي اكتر واكتر .. ليه ياربي تعمل فيا كدا ؟! حتي الكوخ اللي بنام فيه يتحرق ! وفضل طول الليل يبكي وفقد الاكل وضاع من قلبه الامل تمامًا .. الصُبحيه .. لقي سفينه ضخمه مُتجهه ناحية الجزيره ونزل منها قارب صغير فيه اتنين ونزلوا علي الجزيره وانقذوه .. الراجل استغرب جدًا وسألهم ازاي قدروا يوصلوله ؟! قالوا بسبب النار علي الجزيره .. لولا انه فقد الكوخ وبقت نار كبيره .. مكانوش شافوا ولا عرفوا ان حد موجود !! .. فهو فقد الكوخ اللي بينام جواه .. لان ورا فقدانه حكمه وهو انه يخلص من الحبس الانفرادي علي الجزيره والمذله اللي حصلتله .. ويرجع لوطنه ويرتاح جواه . !
-الدكتور مصطفي محمود الله يرحمه .. سقط في كلية الطب 3 سنين .. نايم ف السرير بسبب تعبه .. مبيخرجش برا اوضته غير علشان يدخل الحمام .. بيقول انا بحمد ربنا علي الفتره اللي سقطتها دي .. لاني فـ خلال الـ 3 سنين قريت اكتر من ١٠٠٠ كتاب .. قريت الادب العالمي كُله .. ولولا اني سقط .. مكنتش بقيت مُصطفي محمود .. كان زماني دكتور عادي فاتح عياده بسترزق منها .. وعايش مستني اجلي .. لكن ربنا جعلني آخد رست وفتره اتعلم واقرأ واعد فيها نفسي .. والناس بعدها بقوا يلقبوه بانه عقل من عقول الاسلام .
-ربنا بيعوض يا جماعه .. " ربنا سُبحانه ماهوش غَرضه .. ياخد مـ الواحد ومايديش .. دا بياخد بس عشان يعطي .. الحاجه الحلوه اللي متأذيش " .. علي راي احلام مُستغانمي " لعلك فقدت الشخص اللي كنت بتعتبره نجم من نجوم السما .. لأن ربنا كاتب من نصيبك القمر !! " .. الشيئ اللي انت فاكره كويس وراح .. هتيجي تقول ف يوم الحمد لله .. دا كويس قوي انه راح .. ارضي بمقسومك وتأكد تمامًا ان الخير جاي من وسع .. بتفتكر انها ضاقت قوي .. بس بيطلع من قلب المِحنه منحه .. الحسن بن الهيثم مكتشفش علمُه غير وهو مسجون في الضلمه .. بتخسر حاجه لأن وقتها ربنا بيدبرلك من نصيبك حاجات أحسن تكسبها .. والله يا صديقي لو عرفت ربنا بيدبرلك ايه في علم الغيب .. لهتبكي زي العيال الصغيره من شِدة السعاده والفرح .. ربنا كريم .. لما بيعطي بيدهش ويذهل من كُتر عطائه .. بس لما ربنا يفتحها عليك ويزقططك وتنشكح وتمشي معاك وتبقي عال .. متنسانيش .. انا زي اخوك برضه ;D .. انت ممكن تحس انك قليل وسط الناس .. لكـن صدقني .. انت عند الله غالي . ! ☝️☺️
#هيعوضك .
الرجوع الى أعلى الصفحة اذهب الى الأسفل
أحمد الشاعر
المدير العام
المدير العام
avatar

المساهمات : 214
تاريخ التسجيل : 09/03/2017
الموقع : http://store6.up-00.com/2017-03/148882586969731.gif

مُساهمةموضوع: رد: أحبك ربي ❤   الأربعاء مارس 15, 2017 6:33 pm

أختي الكريمة وماأروع أن يكون الإنسان هدفه عاليا وكبير في هذه الحياة وأن لايتوقف عند حد
بل يعمل وهدفه المراتب العلياهذا في عمل الدنيا
أما الهدف الكبير والأسمى والغاية في الآخرة هو جنات عدن تجري من تحتها الأنهار
الهدف
الأسمى والأفضل من هذا كله هو فعل الأسباب بعد التوكل على الله التي تجعل
الإنسان يكون من الفائزين بلذة النظر إلى وجه الله الكريم
أختي في الله سهل الله لك أمرك ورفع قدرك وجمعك ووالديك في الفردوس الأعلى من الجنة

----------------

_________________



_________________






الرجوع الى أعلى الصفحة اذهب الى الأسفل
http://wwwcom.ahlamontada.com
زائر
زائر



مُساهمةموضوع: رد: أحبك ربي ❤   الأربعاء مارس 15, 2017 9:44 pm

دعني أنحي قلمي قليلا
أقف أحتراما لكِ
ولقلمك
وأشد على يديك لهذا الابداع
الذي هز أركان المكان
لله درك
فقد كانت حروفك كالاعصار
في وجه الازرق
.. شكرا على مجاملتك الرقيقه اسعدنى مرورك
الرجوع الى أعلى الصفحة اذهب الى الأسفل
جناااات
مشرفه
مشرفه
avatar

المساهمات : 82
تاريخ التسجيل : 15/03/2017

مُساهمةموضوع: رد: أحبك ربي ❤   الثلاثاء مارس 21, 2017 12:45 pm


_________________



_________________
الرجوع الى أعلى الصفحة اذهب الى الأسفل
ريم // شموخ الكلمه
مشرفه عامه
مشرفه عامه
avatar

المساهمات : 128
تاريخ التسجيل : 09/03/2017

مُساهمةموضوع: رد: أحبك ربي ❤   الأربعاء أبريل 19, 2017 4:15 pm



.

_________________



_________________
الرجوع الى أعلى الصفحة اذهب الى الأسفل
http://wwwcom.ahlamontada.com/f6-montada
أناقة رجل شرقى
عضو
عضو
avatar

المساهمات : 25
تاريخ التسجيل : 12/03/2017

مُساهمةموضوع: رد: أحبك ربي ❤   الأحد أبريل 23, 2017 3:14 pm

جزااااكى الله خيرا.. على هذا المجهود الرائــع..
بــارك الله فيــكى على الموضـــوع ..
الى الأمـــام..
لاتبـخلى عليــنا بجـــديــدك..
و تقـبلى مروريـ..
تحياتي..
الرجوع الى أعلى الصفحة اذهب الى الأسفل
 
أحبك ربي ❤
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات لمسة خيال // أحمد الشاعر :: المنتديات :: المنتدى الإسلامى-
انتقل الى: